सिमरा रंगशालाको संरचनाहरु अत्यन्तै आकर्षक र लोभ लाग्दो भएकाले देशकै उत्कृष्ट रंगशालाको रुपमा विकास गर्न आफूले सक्दो पहल गर्ने आश्वासनसमेत उनले दिए । ‘एकैपटक ठुलो बजेटले काम गर्न नसके पनि बहुवर्षीय योजना बनाएर काम गर्नुस्, हामी तपाईहरुलाई सहयोग गर्न तयार छौँ,’ उनले भने ।

बिज्ञापन

यसै सन्दर्भमा मधेस प्रदेशका सांसद सुन्दर विश्वकर्माले सिमरा रंगशालाको पूर्वाधारमा संघीय सरकारले चासो देखाउन जरुरी रहेको बताए । विश्वकर्माले सिमरा रंगशाला स्थानीय र प्रदेश सरकारको बजेटभन्दा ठूलो योजना रहेका कारण संघीय सरकारले प्राथमिकतामा राख्नुपर्नेमा जोड दिए ।

यसैगरी जीतपुर सिमरा उपमहानगरपालिकाका नगर प्रमुख राजन पौडेलले सिमरा रंगशालाको विकासको लागि बहुवर्षीय योजना बनाएर काम अघि बढाउन मन्त्रीको ध्यानाकर्षण गरेका छन् । जितपुर सिमरा गोल्डकप आयोजना हुँदै आएको रंगशाला लामो समयदेखि निर्माणाधीन अवस्थामा छ । रात्रि अवस्थामा खेल खेलाउन सकिने गरी फ्लडलाइट समेत राखिएको रंगशालाको अन्य पूर्वाधार भने अधुरो छ । प्यारापिट निर्माण नहुँदा अन्य खेलकुदका लागि पूर्वाधार समेत निर्माण गर्न सकिएको छैन ।
रंगशालामा निर्माण हुने प्यारापिटको तल अन्य खेलकुदका लागि कभर्ड हल लगायतको पूर्वाधार बनाउने योजना छ । गोल्डकप आयोजक नव जन जागृति युवा क्लबका अध्यक्ष रामचन्द्र लामाले मन्त्री गहतराजलाई ज्ञापनपत्र बुझाउँदै सिमरा रंगशाला र जीतपुर सिमरा गोल्डकपलाई संघीय सरकारको प्राथमिकतामा राख्न आग्रह गरेका छन् ।