दमक / मौद्रिक नीतिपछिको पहिलोपटक खुलेको शेयर बजारमा सामान्य सुधार देखिएको छ । शुक्रबार मौद्रिक नीति सार्वजनिक भएपछि खुलेको सेयर बजार २९ अंकले बढेको हो ।
कारोबारको सुरुमा झन्डै ६९ अंकले बढेको बजार पछि घटेर २७६०.८० अंकमा झरेको हो । अघिल्लो दिनको आधारमा बजार परिसूचक बढे पनि आज निरन्तर वृद्धि हुन माथिल्लो विन्दु हाराहारीमा बन्द हुन भने चुकेको देखिन्छ ।
आज लगानीकर्ताको सक्रियता बढ्दा कारोबार रकममा उल्लेख्य वृद्धि भएको छ। दिनभरमा कुल ११ अर्ब ४१ करोड ६४ लाख रुपैयाँ बराबरको शेयर कारोबार भएको छ ।
बजारको वृद्धिमा अधिकांश कम्पनीको योगदान रह्यो। आज कारोबारमा आएकामध्ये २४८ कम्पनीमध्ये १५८ कम्पनीको शेयर मूल्य बढ्दा ९० कम्पनीको मूल्यमा गिरावट आएको देखिएको छ । आज कारोबार भएका कुनै पनि कम्पनीको मूल्य स्थिर रहेन।
मूल्य बढ्ने कम्पनीमा पनि एनआईसी एसिया बैंक र खानीखोला हाइड्रोपावरको शेयर मूल्यमा लगभग ९.९९ प्रतिशत वृद्धिसहित सकारात्मक सर्किट लागेको छ । आज हिमालयन हाइड्रोपावरमा भने सबैभन्दा धेरै ९.९३ अंकको गिरावट आएको छ ।
कारोबार रकमको आधारमा एनआईसी एसिया बैंक अग्रस्थानमा रह्यो जसको ३७ करोड १४ लाख रुपैयाँभन्दा बढीको कारोबार भयो। बुटवल पावर कम्पनीको ३२ करोड ८२ लाख तथा एनआरएन इन्फास्ट्रक्चरबाट २८ अर्ब ५३ करोड रुपैयाँ खर्च भएको छ ।
