काठमाडौं । २३ पटककी ग्रान्डस्लाम च्याम्पियन सेरेना विलियम्स फ्रेन्च ओपन टेनिसको दोस्रो चरणमा प्रवेश गरेकी छन् ।
सोमबार राति भएको पहिलो चरणको खेलमा ७४औं बरियताकी इरिना क्यामेलियालाई ७-६ (८-६), ६-२ को नतिजामा पराजित गर्दै आठौं बरियताकी विलियम्स दोस्रो चरणमा पुगेकी हुन् ।
बिज्ञापन
सेरेनाले तेस्रो चरण प्रवेशका लागि १७४औं बरियतकी माहेला बुजारनेस्कुसँग प्रतिस्पर्धा गर्नेछिन् । तीन पटककी फ्रेन्च ओपन च्याम्पियन सेरेना गत वर्ष दोस्रो चरणबाटै बाहिरिएकी थिइन् ।
चार पटक फाइनलमा पुगेकी ३९ वर्षीया सेरेनाले २०१५ मा अन्तिम पटक वर्षको दोस्रो ग्राण्डस्ला- फ्रेन्च ओपनको उपाधि जितेकी थिइन् ।
