
दमक /झापा अर्जुनधाराबाट करिव २ केजी गाँजासहित दुईजना पक्राउ परेका छन् ।

बिहिबार दिउँसो अर्जुनधारा ६ पुष्पलाल चौक बस्ने ५९ बर्षीय अमृतमाया लिम्बूको घरमा लागूऔषध गाँजा बिक्री भइरहेको भन्ने गोप्य सूचनाको आधारमा प्रहरी चौकी शनिश्चरेबाट खटिएको टोलीले घर खानतलासी गर्दा १ केजी ८८२ ग्राम गाँजा बरामद गरेको हो ।
बिज्ञापन



त्यस्तै इलाम १२ स्यानाङ्बा घर भई हाल अर्जुनधारा १ स्थित निर्माणाधीन झोलुङ्गे पुलमा काम गर्दै आएका २० बर्षीय रोशन भट्टराईको साथबाट ६ ग्राम ६३० मिलिग्राम गाँजा फेला परेको जिल्ला प्रहरी कार्यालयले जानकारी दिएको छ ।

गाँजासहित दुबैलाई नियन्त्रणमा लिई इलाका प्रहरी कार्यालय बिर्तामोडमा राखिएको जिल्ला प्रहरी कार्यालयले जानकारी दिएको छ ।