दमक / अवैध सुनसहित नागढुंगाबाट प्रहरीले एक जनालाई पक्राउ गरेको छ । पक्राउ पर्नेमा पश्चिम बंगालका ३१ वर्षीय महादेव सामान्त छन् । प्रहरी प्रभाग नागढुंगा र लागु औषध नियन्त्रण ब्यूरोको संयुक्त टोलीले महादेवलाई पक्राउ गरेको हो ।
काँकडभिट्टाबाट काठमाडौं आउँदै गरेको बा.प्र.०३–००१ ख ३१३९ नम्बरको बसमा उनी काठमाडौं आउँदै थिए । सोही क्रममा उनीबाट २७४.८३ ग्राम अवैध सुन बरामद गरिएको प्रहरीले जानकारी दिएकाे ।
बिज्ञापन
अवैध सुनको नेपाली बजार मूल्य ४५ लाख ६३ हजार ८२६ रुपैयाँ हुन आउँछ । उक्त सुन सहित सामान्तर लाई त्रिभुवन विमानस्थल भन्सार कार्यालय गौचर पठाइएको छ ।
